Les uniuns mëmbres á le dërt de ciafè contribuc´ in basa al program de manifestaziuns che ëles mët a jí. Les iniziatives mëss ester sön le program de formaziun che vëgn publiché da d’aisciüda y da d’altonn. In basa al numer dles domandes che rüva adarlerch y ales finanzes a disposiziun él le Consëi de Formaziun che conzed n contribut dô critêrs stabilîs:

Critêrs prinzipai:

La manifestaziun mëss ester:

• daverta a düc´
• publicada sön l’Program de Formaziun
• sön l’teritore dl comun de Badia

Intratan l’ann 2000 ón dandadüt premié cun contribuc´ injuntifs chëles uniuns che mët a jí manifestaziuns originales cun n cheder interessant che atira la jënt y che promöi l’stè adöm dla comunité.

Por cursc cun majeres spëises pon bele s’asiguré danfòra n contribut presentan na domanda.

I rapresentanc´ dles uniuns ch’é interessá da ciafè n contribut por curí spëises de formaziun é periá da aduré le formular chilò dessot injuntè y da le lascè avëi compilé a zacai dl Consëi de Formaziun.

formular_contribut.pdf (50Kb) - Formular da compilé por damanè n contribut dal CF

In alternativa él ince poscibl adorè le sorvisc online compilan le formular che ciafëis sot a "Services" - Domada de contribut!